عبر أمين بنهاشم مدرب الوداد الرياضي على قدرة الفريق الأحمر على تحقيق الرباح فماتش يوفنتوس الطالياني ضمن الجولة الثانية
من كأس العالم للأندية “الميريكان 2025”.
وقال أمين بنهاشم فتصريح له قبل ماتش الوداد ويوفنتوس: “الماتش غايكون صعيب ضد يوفنتوس ما غايكونش ساهل، بحال
الماتش الأول ضد مانشستر سيتي، غير الأسلوب كان مختلف شويا، حيث يوفنتوس واقعيين وما كايصيروش باش يخلقو
المحاولات”.
وكمل بنهاشم وقال: “مازال كانقول حنا بغينا نعذبو الفرق ولكن دابا نزيد عليها بغينا نتأهلو، حيث قبل ما نلعبو ضد مانشستر
سيتي حتى واحد فينا والمغاربة كلهم ما عارفينش مستوى الوداد، كنا كاملين غادي نكتاشفوه، الحاجة الوحيدة اللي غادي نضمن
هي نعذبو الخصوم ونقدر نربح نقدر لا المهم غاندخل باش نربح”.
وأضاف مدرب الوداد: “من بعد الماتش الأول ضد مانشستر سيتي والمستوى اللي بنا به، راه خاصنا نربحو ونتأهلو، ونلعبو المباراة
ديالنا بكل حظوظنا ونخرجو نلعبو باش ناخذو 3 بوان راه نقدرو نواجهو فرق كبيرة ونافسو ونماركيو”.
وختم أمين بنهاشم حديثه بالقول: “حتى لدابا مازال ما عرفتش باش غادي نلعب ووجدنا لهم واليوم غانشوفو”.
