يتواصل مسلسل رحيل اللاعبين داخل نادي الوداد الرياضي، بعد نهاية موسم معقد وكارثي، تميز بسلسلة من النتائج السلبية واختتم بحصيلة صفرية.
وودع الظهير الأيسر أيوب بوشتة، مكونات نادي الوداد الرياضي بعد موسمين ونصف حمل فيهم القميص الأحمر.
ونشر بوشتة رسالته الوداعية في حسابه الرسمي على موقع التواصل الاجتماعي إنستغرام، مقدما شكره لكل مكونات الوداد واعتزازه للفترة التي قضاها بالقميص الأحمر.
وكتب بوشتة في رسالته:
بعد موسمين و نصف قضيتها داخل نادي الوداد الرياضي، وصل الوقت باش نسالي هاد المرحلة من المسار ديالي
ماشي ساهل تودع بلاصة عشت فيها بزاف ديال اللحظات… فيها الضحكة فيها الدموع فيها الانتصارات، وحتى اللحظات الصعيبة اللي كتقوي الإنسان والحمد لله كنخرج منها بتجارب غالية وذكريات غادي تبقى ديما راسخة فقلبي.
كنشكر من القلب الجماهير الودادية على الحب المساندة، والثقة اللي عطاوتني، وكنطلب منكم السماحة إلا قصرت فشي حاجة، حيث والله ديما حاولت نعطي كل ما عندي ونمثل هاد القميص بأحسن طريقة.
كما كنوجه خالص الشكر لرئيس والشكر كذلك للإدارة، وأعضاء المكتب وجميع الأطر، ولكل اللاعبين اللي كان ليا الشرف نلعب معاهم. تعلمت منكم بزاف، وكنتم جزء كبير من هاد الرحلة.
كان ليا الشرف الكبير نحمل قميص نادي الوداد الرياضي، وهاد الشي غادي يبقى من أجمل المحطات فحياتي.
الوداد غادي تبقى ديماً جزء من قلبي، وكنتمنا ليها ولجميع مكوناتها كل التوفيق والنجاح فيما هو قادم.
شكراً من القلب…..
